Feeds:
પોસ્ટો
ટિપ્પણીઓ

 

 

 

 

 

 

 

 

 

 

 

 

સૂર્યપુત્ર શનિદેવ ગ્રહમંડળના સૌથી ભયપ્રદ ગ્રહ છે. સુર, અસુર દેવ, ગાંધર્વ, સ્થાવર અને જંગમ સૌ શનિદેવની વિષમ દશામાં પીડા અનુભવે છે. ભગવાન શ્રીરામ, યુધિષ્ઠિર, રાજા હરિશ્ચંદ્ર, લંકાપતિ રાવણ, વશિષ્ઠ ઋષિ, પરાશર ભગવાન, દેવરાજ ઈન્દ્ર અને ભગવાન શ્રીકૃષ્ણ જેવા મહાનુભાવો પણ શનિદેવની વિષમ પરિસ્થિતિમાં પીડા અનુભવી ચૂક્યા છે તો પછી સામાન્ય માનવીની તો વાત જ ક્યાં.

શનિદેવ આશુતોષ છે. શુભ દશામાં તે વ્યક્તિને ન્યાલ કરી દે છે. સુખ, સમૃદ્ધિ અને રાજ્ય પણ આપે છે. શનિદેવ સંઘર્ષના દેવ છે. તેમના પ્રભાવથી વ્યક્તિ સંઘર્ષ કરતી કરતી આગળ વધે છે. શનિદેવના પ્રભાવથી જે તે મનુષ્ય આદ્યાત્મિક ઉન્નતિ કરી શકે છે.

શનિદેવનું ગૌત્ર કશ્યપ છે. તે સૌરાષ્ટ્ર દેશના સ્વામી છે. તેમનો રંગ શ્યામ છે. શનિ મહારાજના અધિદેવતા યમરાજા છે. તેમના પ્રતિ અધિદેવતા પ્રજાપતિ છે. શનિ મહારાજની ઉપાસનાથી મનુષ્યની આપત્તિ અને અનિષ્ટોનું નિવારણ થાય છે. શનિ મહારાજનું વિધિથી પૂજન કરનારનું તમામ રીતે કલ્યાણ થાય છે. શનિ મહારાજના જપ ૨૩૦૦૦ કરવાથી તેઓ પ્રસન્ન થઈ જાય છે.

શાસ્ત્રો અનુસાર શ્રાવણ માસના કોઈ પણ શનિવારથી શનિદેવનું વ્રત કરી શકાય છે. તેમનું પૂજન કરવા માટે પીપળાના મૂળમાં વેદી કરવી. તેના ઉપર ધનુષ્ય જેવું મંડળ ચિતરવું. તેના પર શનિ મહારાજની લોખંડની મૂર્તિ પધરાવવી. શનિદેવની આ મૂર્તિ પીડા પર બેઠેલી. બે હાથમાં દંડ તથા પાશ ધારણ કરેલી હોવી જોઈએ. તે મૂર્તિને ચંદન, પુષ્પ, ધૂપ, દીપ, નૈવેદ્યથી પૂજવી. તેમની પ્રાર્થના કરવી. તે પછી તેમના જપ કરવા. પીપળાની સાત પ્રદક્ષિણા કરવી. તેમની તથા પીપળામાં રહેલા ભગવાન વિષ્ણુને સાત નમસ્કાર કરવા. અડદનું ભોજન કરવું. હનુમાનજીને તેલ. અડદ તથા આકડાની માળા ચઢાવવી. સોનાની વીંટીમાં નીલમ જડાવીને પહેરવું.

શનિદેવને પ્રસન્ન કરવા અડદ, તેલ, નીલમ, કાળાં વસ્ત્ર, ભેંસ, લોખંડ વગેરે અર્પણ કરવા. શનિવારે તૈલાભ્યંગ સ્નાન કરવું. લોખંડ અથવા માટીના પાત્રમાં તેલ ભરી કાળાં વસ્ત્રનું દાન આપી શકાય.

શનિદેવના પિતા ભગવાન સૂર્યનારાયણ છે. શનિદેવનાં માતાનું નામ છાયાદેવી છે. તેમના બહેનનું નામ યમુના તથા તાપી છે. શનિદેવને તેમના પિતા સૂર્યનારાયણ  સાથે બનતું નથી. બંને એકબીજાથી દૂર ભાગે છે. શનિદેવના ગુરુનું નામ ભગવાન શિવ શંકર છે. શનિદેવ કૃદ્ધ થયા ત્યારે શિવજીએ સાત દિવસ સંતાવું પડ્યું હતું. તેમની વક્ર દૃષ્ટિ થતાં ગણેશજીનું મસ્તક છેદાયું હતું. તેમનાં નેત્રનો પ્રકોપ સમતાં ગણેશજીના ધડ ઉપર શ્વેત હસ્તિનું મસ્તક લગાડવામાં આવ્યું હતું. શનિદેવને પ્રસન્ન કરવા નીચેના જાપ ૨૩૦૦૦ની સંખ્યામાં જપી શકાય.

(૧) ૐ ઐં હીં શ્રી શનૈશ્ચરાય  નમઃ

(૨) ૐ શં શનૈશ્ચરાય નમઃ

(૩) ૐ નીલાંજનસમાભાસં રવિપુત્રં યમાગ્રજ્મ્

છાયા માર્તંડ સંભૂતં તં નમામિ શનૈશ્ચરમ્

ઉપરના ત્રણ મંત્રમાંથી જે મંત્ર ફાવે તે મંત્ર ૧૦૦૦ વખત જપી સિદ્ધ કરી લેવો. તે પછી એ મંત્રના ૨૩૦૦૦ જપ કરવાથી શનિદેવ પ્રસન્ન થાય છે.

Advertisements

Student’s Strength…


ગુજરાતમાં નવરાત્રીનું પર્વ ધામધૂમથી ઉજવવામાં આવે છે. માતાજીની ઉપાસના અને ગરબાનું અહીં અનેરૂ મહત્વ છે. આસો મહિનાની નવરાત્રીમાં ઠેરઠેર ગરબા યોજાય છે. જ્યારે ચૈત્ર મહિનાની નવરાત્રી કંઈક અલગ જ મહત્વ ધરાવે છે. આ નવરાત્રીમાં ગરબાનું મહત્વ ઓછું છે. પણ ક્યાંક ગામડાઓમાં કે શેરીઓમાં તેની પરંપરાગત ઉજવણી થતી રહે છે. ગુજરાતમાં ખાસ કરીને બહુચરાજી, અંબાજી અને પાવાગઢમાં આ નવરાત્રીની ઉજવણી ભવ્ય રીતે કરવામાં આવે છે.

ગુજરાતમાં ઘણા લોકો ચૈત્રી નવરાત્રી વખતે ઉપવાસ કરતા હોય છે. ઘણાં લોકો નવરાત્રીના ઉપવાસ સાથે ઘરમાં પણ માતાજીના જવારાની સ્થાપના કરી માતાજીની પૂજા, જાપ, જાગરણ કરતા હોય છે. ચૈત્રી નવરાત્રીમાં ઘરોમાં દેવીની પ્રતિમા અને ઘટ સ્થાપન કરવામાં આવે છે. આ દિવસથી નવ વર્ષની બેલા શરૃ થાય છે. આ નવરાત્રી અનુષ્ઠાન, હવન વગેરે કરવા માટેનું પર્વ છે. દરેક જણ મા શક્તિ પોતાના દુઃખ અને તમામ કષ્ટ હરી લે તે માટે શ્રદ્ધાપૂર્વક દૈવિક સાધના કરે છે. કોઇ પોતાના શત્રુથી છુટકારો મેળવવા માટે મા બગલામુખીના જાપ-હવન વગેરે કરે છે. કોઇ મહાકાળીની ઉપાસના કરે છે તો કોઇ નવદુર્ગાની ઉપાસના કરે છે. ગમે તેમ પણ કોઇને કોઇ રૃપમાં પૂજા તો દેવીની જ થાય છે. ચિત્રા નક્ષત્ર ઉપરથી આ માસનું નામ ચૈત્ર માસ પડયું હતું.  દંતકથા મુજબ આ દિવસે ભગવાન નારાયણના નાભિમાંથી કમળ ઉત્પન થયું હતું અને એ કમળમાંથી સૃષ્ટ્રિના પાલન કરતાં ‘‘બ્રહ્મદેવ’’નું પ્રાગટય થયું હતું. અશ્વિન મહિનાની નોરતા એ બ્રહ્માજીનો દિવસ શરૃ થાય અને ચૈત્રી નોરતાએ તેમની ૬ મહિને દિવસ પૂરો થતા રાત્રી શરૃ થાય છે.  તેથી બ્રહ્માની રાત્રિ શરૃ થઈ ગણાય.  શક્તિની ભક્તિ કે ઉપાસનાનું મહાપર્વ એટલે નવરાત્રી. નવે દિવસ દૈવી શક્તિનાં જુદાં-જુદાં નવ રૃપોની આરાધના કરવામાં આવે છે. રૃપ ગમે તે હોય પરંતુ દૈવી શક્તિ તો એક જ છે. જે જગતજનની છે. પરંતુ માતા શક્તિનાં જુદાં-જુદાં રૃપ લઇને કરેલાં કાર્યોને કારણે તે અલગ-અલગ નામે પૂજાય છે. 

ચાલો સરસ…!!!

holifestival1
Holi festival by walking barefoot across a pit filled with burning hot firewood, or sometimes glowing charcoal…!!! 12- March..

ezgif-com-crop

શિવરાત્રી તો પ્રતિમાસ આવે છે. પરંતુ મહા શિવરાત્રી વર્ષમાં એક જ વખત આવે છે. શિવજીના ભકતો આ દિવસે ઉપવાસ રાખી ઓમ નમઃ શિવાના અખંડ પાઠ કરી શિવલીંગ પર બીલીપત્રો ચઢાવી દુધ અને પાણીનો અભિષેક કરી શિવ ઉપાસના દ્વારા ભગવાન શંકરના કૃપાપાત્ર બનવા પ્રયત્‍ન કરે છે.

મહાશિવરાત્રી પર્વ સાથે હરણ અને પારધીની પૌરાણીક માન્‍યતા જગપ્રસિધ્‍ધ છે. એમાં પણ હરણ પરિવારની મુકિત અને પારધીની પાપમુકિતમાં ભગવાન શિવનો કલ્‍યાણભાવ જોવાય છે.

શિવભકતોમાં અદકેરૂ મહાત્‍મય ધરાવતું આ મહાશિવરાત્રી પર્વના આગમન વેળાએ મહાશિવરાત્રીનું રહસ્‍ય જોઇએ તો કહેવાય છે કે ભગવાન વિષ્‍ણુ અને બ્રહ્મા વષા શ્રેષ્ઠતા અંગેનું વાકયુધ્‍ધ થતા તે યુધ્‍ધને અટકાવવા માટે ભગવાન શંકર અગિ્ન મહાલીંગ તરીકે ત્‍યાં સ્‍થાપીત થયા. જેનું મુળ પાતાળથી પણ નીચે અને બ્રહ્માંડથી ઉપર સુધી હોવાથી તેનો તાગ મળતો નહતો. ભગવાન વિષ્‍ણુ પાતાળથી બ્રહ્માંડ સુધી ફરી વળ્‍યા. પરંતુ લીંગનો તાગ મળ્‍યો નહી. જયારે ભગવાન બ્રહ્મા બ્રહ્માંડની ઉપર સુધી ગયા પરંતુ તેને તાગ મળ્‍યો નહિ. આમ છતાં તેઓ ખોટુ બોલ્‍યા કે તેને લીંગનો તાગ મળી ગયો છે.

આથી ભગવાન બ્રહ્માને શિક્ષા કરવા અગિ્નસ્‍તંભ (લીંગ)માંથી ભગવાન શંકર પ્રગટ થયા અને જે પાંચમાં મુખથી બ્રહ્મા અસત્‍ય બોલેલા તે મુખ કાપી નાંખ્‍યું. ત્‍યારે ભગવાન બ્રહ્મા અને વિષ્‍ણુએ શિવજીનું પુજન કર્યુ.

બધા દિવસોમાં શ્રેષ્ઠ દિવસ અને રાત્રી ગણવાથી તેને મહાશિવરાત્રી નામ અપાયું. આમ મહાશિવરાત્રીનું પર્વ એ શિવભકતો માટે શિવની આરાધના અને ઉપાસનાનો તહેવાર છે.

જીવ અને શિવનો યોગ સાધતી મહારાત્રી એટલે મહાશિવરાત્રી. ભગવાન શંકરનો મહિમા અનેરો અને અદકેરો છે. સાત્‍વીક સહજ ભકિતથી પ્રસન્ન થનારા ભગવાન શંકર મહાપ્રલયકારી છે. બ્રહ્માંડના જીવોનું સંકલન કરનારા છે.

દુષ્ટ, દુરાચારી, વિદ્રોહીઓના મારક છે. સત્‍ય, સંયમ, સાત્‍વીકતાના તારક છે. દૈત્‍ય સેનાના સંહારક છે. શંખ, ડમરૂ, ત્રિશુલ ધારક છે. ભુતનાથ, ભૈરવાદી રૂદ્રોના પતિ અને સાધુ-જોગીઓના સ્‍વામી અને ભકતોના ઉપકારક છે.

ભગવાન શંકરને અતિમાન કે અભિમાની મંજુર નથી. તેત્રીસ કરોડ દેવતાઓને વશમાં કરનાર રાવણની ત્રણ ઇચ્‍છા પણ અભિમાનના કારણે જ ભગવાન શંકરે પુરી ન કરી હતી.

‘વૈરાગ્‍ય શતક’ના રચયીતા ભૃતહરીની પણ પરીક્ષા લેવામાં ભગવાન શંકરે બાકી રાખ્‍યું ન હતું. રાજા ભૃતુહરી સર્વસ્‍વ ત્‍યાગીને ફકીર બન્‍યો. સંત બન્‍યો, એક પછી એક વસ્‍તુઓનો ત્‍યાગ કરતા ગયા. પરંતુ વૈરાગ્‍યનું અભિમાન જયાં સુધી રહયું ત્‍યાં સુધી ભગવાન શંકર દુર જ રહયા.

ભકતને ભકિતનું જયાં સુધી અભિમાન રહે ત્‍યાં સુધી ભગવાન શિવને ભકિત, પુજા, ઉપાસના સ્‍વીકાર્ય બનતા નથી અને એ જ બ્રહ્માંડનો સર્વકાલીન યમનિયમ છે.

મહાશિવરાત્રી પર્વના આ દિને પૃથ્વી પરના આ તમામ શિવલીંગોમાં રૂદ્રનો અંશ હોય છે. અનિષ્ટોના વિનાશક તમામ ગ્રહોના અધિષ્ઠાત્રા મહાદેવ શિવ છે. માતા મહાલક્ષ્મીના અધિષ્ઠાત્રા મહાદેવ છે. આથી મહાશિવરાત્રીએ શિવપુજન આયુષ્‍યની સાથે ઐヘર્ય પણ આપે છે.

જન્‍મના ગ્રહોના દ્રારિદ્રય યોગ શિવરાત્રીએ શિવપુજનથી દુર થાય છે. આ પર્વના દિને તમામ દેવ કૈલાસમાં મહાદેવના સાનિધ્‍યમાં હોય છે. આથી આ દિવસે મહારૂદ્રનો હોમાત્મક પાઠ સોમયજ્ઞનું ફળ આપે છે.

આમ મહાશિવરાત્રી પર્વ ભગવાન શિવના ભકતો માટે અનેરૂ અને અદકેરૂ મહાત્‍મય ધરાવે છે. ભારતભરના શિવાલયોમાં ગુંજી ઉઠશે હર હર મહાદેવનો નાદ…

‘જય ભોલેનાથ…. જય સિદ્ધનાથ મહાદેવ…

ગુલાબનું ફુલ છે દેશી દવા !!

rosesrs

ગુલાબ એક અત્યંત આકર્ષક પુષ્પ છે અને નાના મોટા સૌને ગુલાબના ફુલ તો ગમતા જ હોય હોય છે. જોકે ગુલાબના ફુલનો ઉપયોગ આપણે ઘણી જગ્યાએ કરતાં હોઈએ છીએ. જેમ કે કોઈ પણ પ્રસંગ હોય, કોઈનો જન્મદિવસ હોય અથવા કોઈને ભેંટ આપવી હોય તો મોટાભાગે ગુલાબના ફુલોની જ પસંદગી કરવામાં આવે છે અને ખાસ કરીને સ્ત્રીઓ પોતાના શણગાર માટે પણ ગુલાબના ફુલોનો ઉપયોગ કરતી હોય છે.

આ સાથે જ ગુલાબની પાંદડીમાંથી બનાવેલ ગુલાબજળના પણ અનેક ફાયદા છે. આ સિવાય શુ તમે જાણો છો કે, ગુલાબનું ફુલ આપણા આરોગ્ય માટે પણ એટલું જ ગુણકારી છે. માત્ર ખૂશ્બુ જ નહિ પરંતુ અનેક આરોગ્યપ્રદ ખાસિયતોથી હોવાને કારણે ગુલાબ આપણી જિંદગીમાં પણ ખૂશ્બુ ભરી શકે છે.

-ઉંઘ ન આવતી હોય અને તાણ રહેતો હોય ચો માથા પા, ગુલાબ રાખીને સુવાથી આ સમસ્યા દૂર થઈ જશે.

-ગુલાબની પાંદડી ખાવાથી પેઢા અને દાંત મજબૂત બને છે. મોઢાની દુર્ગંધ દૂર થાય છે અને પાયરિયા રોગથી પણ છુટકારો મળે છે.

-ગુલાબમાં વિટામિન સી ભરપૂર માત્રામાં હોય છે. જેથી ગુલાબનું ગુલકંદ ખાવાથી હાડકા મજબૂત થાય છે. રોજ એક ગુલાબ ખાવાથી ટીવીના રોગીને બહુ ફાયદા થાય છે.

-ગુલાબના પાનમાં ગ્લીસરીન નાખીને પીસી લેવું. આ મિશ્રણને હોઠ પર લગાવવું. હોઠ સુંદર અને ગુલાબી બનશે.

-અર્જુનની છાલ અને દેશી ગુલાબને મિક્ષ કરીને પાણીમાં કાળી લેવું, આ ઉકાળો પીવાથી હૃદય સંબંધી બીમારીઓ દૂર થાય છે. દિલની ધડકન વધી જતી હોય તો સૂકી પાંદડીઓનો ઉપયોગ કરવો.

-આંતરડામાં ઘા હોય તો 100 ગ્રામ મુલેઢી, 50 ગ્રામ વરીયાળી, 50 ગ્રામ ગુલાબની સૂકાયેલી પાંદડીઓ ત્રણેયને મિક્ષ કરી લેવું. દરરોજ આ ચૂર્ણને 10 ગ્રામની માત્રામાં લેવાથી  સમસ્યામાં રાહત મળશે.

-સુખડ અને ગુલાબજળની પેસ્ટ બનાવી વીસ મિનિટ સુધી ચહેરા પર લગાવી રાખો અને ત્યાર બાદ ચહેરાને પાણીથી ધોઈ લો. આવું કરવાથી ત્વચાને ઠંડક મળશે.

-જો તમારી સ્કિન ઓઈલી હોય તો એક ઈંડાની સફેદીને પાણીમાં મિક્ષ કરી તેમાં અડધા લીંબુનો રસ અને ગુલાબજળના થોડાંક ટીપાં ભેળવી ચહેરા પર લગાવવાથી ચહેરો નીખરી ઉઠશે.

-એક ચમચી મધ, થોડા ટીપાં ગુલાબજળના તથા થોડાં ટીપાં ગ્લિસરિનના મિક્ષ કરી રોજ ચહેરા પર લગાવી 15 મિનિટ બાદ નવશેકા પાણીથી ચહેરો ધોઈ લેવો જેથી ચહેરાની ત્વચા નિખરશે અને મુલાયમ બનશે.

-કાચા દૂધમાં લાલ ગુલાબની પાંદડી વાટીને થોડું મધ ભેળવી ગાલ પર લગાવવાથી ગાલની ત્વચા મુલાયમ અને ચમકીલી બને છે અને તેની સુદરતા જળવાઈ રહે છે.

-ગુલાબમાંથી બનવેલા ગુલાબજળને ત્વચા માટે ફાયદાકારક માનવામાં આવે છે તે સખત ત્વચા માટે ઉપયોગી છે અને તેનાથી ત્વચા મુલાયમ બને છે.

-સ્નાનના પાણીમાં ગુલાબની પાંદડીઓ દસ મિનિટ પલાળી રાખી એ પાણીથી સ્નાન કરવાથી ત્વચા મુલાયમ બને છે અને તાજગીનો અનુભવ થાય છે.

 

rep

 

આલ્બર્ટ આઇન્સટાઇને કહયું છે, ધર્મ વિનાનું વિજ્ઞાન પાંગળુ છે. ભાવના આપણા બિનસાંપ્રદાયિક દેશમાં વણાયેલી છે એટલે જ આપણે દરેક ધાર્મિક, રાષ્ટ્રીય તહેવાર રંગેચંગે ઉજવીએ છીએ. પછી તે દિવાળી હોય, ઇદ હોય કે નાતાલ, ર૬ મી જાન્યુઆરી હોય કે ૧પ મી ઓગસ્ટ. ધાર્મિક તહેવારો તો આપણે આપણા ધર્મ પ્રમાણે ઉજવીએ જ છીએ. પરંતુ આપણા રાષ્ટ્રીય તહેવારો એવા છે કે જેને બધા જ ધર્મના લોકો એટલે કે પ્રત્યેક ભારતીય નાગરિક ઉત્સાહથી ઉજવે છે. ત્યારે તે પોતે કોઇ ધર્મ, જ્ઞાતિ કે સંપ્રદાયના પ્રતિનિધિ નહી પરંતુ પોતે એક ભારતીય હોવાનું જ યાદ રાખે છે.

   ૧પ મી ઓગસ્ટનો રાષ્ટ્રીય તહેવાર જેટલો મહત્વનો છે એટલો જ મહત્વનો છે ર૬ મી જાન્યુઆરીનો તહેવાર ર૬ મી જાન્યુઆરીએ આપણો પ્રજાસત્તાક દિન છે અને આ દિવસે જ આપણું બંધારણ પણ અમલમાં આવ્યું. પરંતુ બંધારણના અમલ માટે ર૬ મી જાન્યુઆરીની જ પસંદગી કેમ થઇ ? તે પાછળ પણ એક કારણ છે. ઇ. સ. ૧૯૪પ માં બીજું વિશ્વ યુધ્ધ પુરુ થયું તે દરમિયાન ઇંગ્લેન્ડમાં ચૂંટણી થઇ અને ઇંગ્લેન્ડમાં મજૂરોના વડા તરીકે કલેમેન્ટ એટલી ચૂંટાઇ આવ્યા. જેઓ ભારતને ઝડપયો અને ભાગલા વગર આઝાદી આપી દેવાના મતમાં હતાં. તેથી ભારતની આઝાદીના પ્રશ્નો  ઉકેલવા એટલીએ કેબિનેટ મીશનને ભારત મોકલ્યું જેના સભ્યો હતા.

   સર સ્ટેફોર્ડ ક્રિપ્સ, એ. વી. એલેકઝાંડર, પેથીક લોરેન્સ, આ કેબિનેટ મિશનના સુચવ્યા મુજબ ભારતનું બંધારણ ઘડવા ઘડવૈયાઓની ચૂંટણી થઇ જેમાં કેટલીક સ્ત્રીઓ પણ હતી. આ સભ્યોમાં ચૂંટાયેલા અધ્યક્ષ ડો. રાજેન્દ્રપ્રસાદ અને ખરડા સમિતિના અધ્યક્ષ ડો. આંબેડકર હતા. આ બધાએ અમેરિકા, ઇંગ્લેન્ડ, ફ્રાન્સ, આયલેન્ડ જેવા લોકશાહી દેશોના બંધારણનો અભ્યાસ કરી કેટલીક બાબતો આપણા બંધારણમાં મુકી બંધારણ સભાની બેઠકો ૧૬૬ દિવસ ચાલી હતી. છેવટે ર વર્ષ, ૧૧ મહિના અને ૧૮ દિવસે બંધારણ દર્શાવતુ પુસ્તક પડાયું જે વિશ્વનું લાંબામાં લાંબુ, નાનામાં નાની વિગત દર્શાવતુ અલગ એવું બંધારણ પુસ્તક છે. આ પુસ્તક આપણી સ્વતંત્ર ભારતની પ્રથમ સરકાર કોંગ્રેસની નહેરૂ સરકારને સોંપાયું જે ર૬ નવેમ્બર ૧૯૪૯ નો દિવસ હતો. પરંતુ ૧૯૩૦ થી ર૬ મી જાન્યુઆરીનો દિવસ જ સ્વાતંત્ર્ય દિન તરીકે ઉજવાતો કેમ કે,

   રાષ્ટ્રીય કોંગ્રેસે ૩૧ ડીસેમ્બર ૧૯ર૯ ના રોજ લાહોર અધિવેશનમાં પૂર્ણ સ્વરાજ માટે લડત આપવાનો ઠરાવ પસાર કર્યો. અને આ ઠરાવમાં નકકી કરાયું કે ભારત આઝાદ ન થાય ત્યાં સુધી દર ર૬ મી જાન્યુઆરીએ આપણો સ્વાતંત્ર્યદિન ઉજવવો. ર૬ મી જાન્યુઆરી ૧૯૩૦ થી ર૬ જાન્યુઆરી ૧૯૪૭ સુધી ર૬ મી જાન્યુઆરીએ જ સ્વાતંત્ર્યદિન ઉજવાયો. આમ ર૬ જાન્યુઆરીના દિવસને યાદગીરી રૂપે જાળવી રાખવા માટે બંધારણ ઘડાઇ ગયુ હોવા છતાં તેનો અમલ તો ર૬ મી તારીખે જ કરાયો.

   આમ ર૬ મી જાન્યુઆરીનો દિવસ આપણો બંધારણના અમલનો દિવસ એટલે કે પ્રજાસત્તાક દિન છે. બંધારણ મુજબ ચૂંટણીઓ દ્વારા સરકાર દર પાંચ વર્ષ માટે રચાતી થઇ. જેને દેશની ૧૮ વર્ષ કે તેથી વધુ ઉમરની વ્યકિત મત આપી ચૂંટતી હોવાથી ભારત પ્રજાસત્તાક લોકશાહી દેશ કહેવાય છે.     -પ્રદીપ ખીમાણી